Ginkwestyon sang depensa ang pagpadala ni House Prosecutor Chel Diokno sang subpoena kay anay Sandiganbayan Presiding Justice Amparo Cabotaje-Tang agud magtestigo angut sa Article IV sang impeachment trial batuk kay Vice President Sara Duterte.
Ginpanindugan ni Defense counsel Atty. Mark Vinluan nga katungdanan sang Impeachment Court ang pagpaguwa sang subpoena, indi sang prosekusyon.
Ginpaathag ni Diokno nga ang subpoena nag-agi sa proseso sang Impeachment Court kag ginpadala niya ini mismo agud masiguro ang seguridad kag proteksyon sang testigo.
Sa tion sang cross-examination, ginpahayag ni Cabotaje-Tang nga nabaton niya ang subpoena paagi sa email halin kay Diokno kag gin-ako niya nga abi niya may pormal nga awtoridad ini halin sa korte.
Samtang, gin-athag ni Senate Impeachment Presiding Officer Chiz Escudero nga samtang wala pormal nga gindesignar sang Impeachment Court si Diokno nga mag-issue sang subpoenas, ang aksyon ang ginbase sa prosecution motion, kag ang amo man nga pribilehiyo ang mahimo nga mahatag sa depensa kun maghingyo sila sini.
