Sa ika-apat nga adlaw sang proceedings angut sa mga pamahog nga ginhimo ni VP Sara Duterte, liwat nga gin-ungkat ang pamangkot kon sin-o ang nagmando sa NBI nga imbestigaran ang amo nga bagay.
Ginpamangkot ni Atty. Mark Vinluan si NBI Regional Director Jeremy Lotoc kun nagpasilabot si President Ferdinand Marcos Jr. sa imbestigasyon sang ahensya sa mga pamahog sang Bise Presidente; apang maathag nga ginpahayag ni Lotoc nga wala siya sang direkta nga mando nga nabaton halin kay President Marcos.
Gin-athag ni Atty. Lotoc nga moto proprio ang ginhimo nila nga imbestigasyon, apang nakabaton man sila sang direktiba gikan sa Department of Justice (DOJ) sa mismo nga adlaw nga nagsugod ang imbestigasyon.
Kasunod sini, ginkwestyon ni Defense Lawyer Atty. Vinluan kon possible bala bias imbestigasyon batok kay VP Sara.
Nagsabat ang opisyal sang NBI nga ginpatigayon nila ang imbestigasyon paagi lamang sa pagsunod sa mga ebidensya.
