Defense team, luyag nga ibasura ang request sang prosecution nga ipa-subpoena ang bank kag tax records ni VP Sara Duterte

Nagpanindugan ang defense team nga dapat ibasura ang request sang House prosecution nga i-subpoena ang bank kag tax records ni Vice President Sara Duterte kag sang iya bana nga si Atty. Manases Carpio.

Suno kay defense counsel Atty. Michael Poa, kinahanglan nga matuman ang legal requirements antes mag-isyu sang subpoena.

Dugang pa sini, nga base sa nagaluntad nga jurisprudence, ang isa ka subpoena dapat may maathag nga katuyuan ukon kapat-uran kag may kaangtanan sa nagapadayon nga mga proceedings agod mangin valid.