Nagapati ang isa ka Litigation expert nga ang desisyon sang defense team nga i-waive ang cross-examination sang duha ka mga anay Land Bank of the Philippines branch managers ang kabahin sang ila legal strategy sa impeachment trial ni Vice President Sara Duterte.
Sa interview sang Bombo Radyo kay Atty. Carlo Ybañez, iya ginpahayag nga posible nakahibalo man ang depensa nga ang pagkwestyon sa duha ka mga testigo ang mahimo nga makapabaskog pa sang ila testimoniya.
Nahibaluan nga duha ka mga former Land Bank branch managers ang gin-presenter nga testigo sang prosecution sang nagligad nga semana may kaangtanan sa Article I sang impeachment complaint.
Ang Article I amo ang nagaakusar kay Vice President Duterte sang ginaalegar sala nga paggamit sang P612.5 million sa confidential funds halin sa Office of the Vice President kag sa Department of Education.
Suno kay Ybañez, kinahanglan anay sang prosecution nga pamatud-an nga may yara sang gin-withdraw kag ginbaton nga kwarta ang Office of the Vice President antes ipakita kun paano ini gingasto kag amo ini ang ginakabig pinaka-importante nga bahin sang kaso.
Na-obserbahan man sang natungdan nga mas naga-focus ang defense team sa technical objections kag wala direkta nagasabat sa substance sang mga alegasyon.
