Nagpakita ang defense team sang pila ka “proof of success” ukon mga pamatuod nga nagapakita, suno sa ila, sang paggamit sang confidential kag intelligence funds (CIF) sang Office of the Vice President.
Sa pagpresentar ni defense lawyer Atty. Kristine Ferrer, ginbasa niya ang pila ka aktibidad kag programa sang OVP, lakip ang pagtukod sang satellite office sa pila ka lugar pareho sang Isabela sa Cagayan Valley.
Lakip man sa mga ginpresentar ang mga aktibidad nga may kaangtanan sa data information gathering, threat assessment kag iban pa nga intelligence-related activities.
Samtang, gin-confirm ni House witness kag COA auditor Xylene Mae Del Campo nga ang pila sa mga nasambit nga aktibidad mahimo nga kabahin sang surveillance activities kag posible nga magamit sang confidential funds.
Ini nga mga pamatuod ginpresentar sang depensa bilang bahin sang ila argumento sa paggamit sang confidential kag intelligence funds sang OVP.
