Handa nga magpresentar sang counter evidence ang defence team ni anay Presidente Rodrigo Duterte sa tion nga mag-atubang ang anay Presidente sa International Criminal Court (ICC) sa Setyembre 23.
Sa isa ka redacted document nga napetsahan Setyembre 2, ginpahibalo sang lead defense lawyer ni anay Presidente Duterte nga si Nicholas Kaufman ang Pre-Trial Chamber 1 sang mga ebidensya nga iya isumiter para sa confirmation of charges hearings nga magasuporta sa mga argumento batok sa mga dokumento nga nagaunod sang mga kaso batok sa anay presidente.
Ang abiso sang defense team ang nagasanto sa Rules of Procedures and Evidence sang ICC, nga nagakinahanglan sa depensa nga maghatag sang listahan sang ebidensya sa korte indi maglapaw sa 15 ka adlaw antes ang natalana nga hearing.
Natalana nga magasugod sa Setyembre 23 ang apat ka adlaw nga confirmation of charges hearing sa ginaalegar crimes against humanity batok sa anay Presidente sang Pilipinas.
District Engr. Calalo, ginpanginwala ang mga alegasyon nga pagsuhol kay Rep. Laviste
Hugot nga ginpanginwala ni Department of Public Works and Highways (DPWH) Batangas 1st District Engineer Abelardo Calalo ang alegasyon sang bribery nga ginpasaka sa iya ni Batangas 1st District Rep. Leandro Legarda Leviste.
Una diri, nadakpan si Calalo sa entrapment operation sa Taal, Batangas sadtong Agosto 22 matapos ginpahayag nagtanyag sang P3.1 million kay Leviste agud mauntat ang imbestigasyon sa flood-control projects sa distrito.
