Hugot nga ginapamatukan ni Defense Counsel Atty. Mark Vinluan ang pahayag ni Lead Prosecutor Rep. Gerville Luistro nga matapos nga naka-appoint sang isa ka opisyal, nagtukod ini sang task force agud magpatigayon sang imbestigasyon may kaangtanan sa ginaalegar nga mga pamahog.
Suno kay Vinluan, ang nasambit nga pahayag ang indi relevant sa ginapamatian nga kaso bangud wala ini nakasaad sa Articles of Impeachment kag bisan sa impeachment complaint.
Ginpabutyag niya nga ang pagsambit sang gintukod nga task force katumbas sa pagbuyagyag sang bag-o nga impormasyon nga indi kabahin sang orihinal nga panumbungon.
Ginsiling sini nga bangud nagsugod na ang impeachment trial, indi na mahimo nga bag-uhon ukon dugangan sang prosekusyon ang kaundan sang Articles of Impeachment.
Ginhatagan pagtamod ni Vinluan nga ang pagsulod sang bag-o nga mga alegasyon nga wala sa Articles of Impeachment mahimo maglapas sa kinamatarong sang ila kliyente sa due process.
