ROXAS CITY – Bugal sang syudad sang Roxas nga diri hiwaton ang pinakauna nga deklarasyon sang Thank you Philippines program kag Embassy of Israel in the Philippines.
Personal nga magatambong sa deklarasyon ang Ambassador of Israelites to the Philippines kag international partners sang grupo nga gikan sa Japan, Canada, Australia kag iban pa kag magahatag sang message of hope kag educational gifts sa mga benepisyaryo sang programa.
Sa exclusive interview sang Bombo Radyo Roxas kay Captain Irene Mora, pilot kag flight instructor sa Manila Aero Club flying academy Inc., ginpahayag sini nga napilian ang Roxas City agud mapalab-ot ang pagpasalamat sa maayo nga gesture sadto ni anay President Manuel Roxas nga pinakauna nga opisyal sang gobyerno nga naghatag sang opurtunidad kag nagganyat sa mga israelis nga makapadulong sa Pilipinas sang holocaust time.
Suno pa kay Mora nga 1st time ini nga mahinabo sa kasaysayan sang Pilipinas nga sa Roxas City hiwaton ang deklarasyon sang Thank You Philippines program sang Embassy of Israel in the Philippines.
