Ginaduso ni Senador Ronald “Bato” dela Rosa ang pag-amyenda sa Republic Act 11696 ukon ang Marawi Siege Compensation Act of 2022 para sa listahan sang mga barangay nga may mga pamilya nga naka-eksperyensiya man sang Marawi Siege.
Sadtong Setyembre, ginfile ni Dela Rosa ang Senate Bill 2828 nga amyendahan ang RA 11696 para malakip ang Barangay Bubonga sa listahan sang Other Affected Areas.
Sa pagpatuman sang RA 11696, ginsambit ni Dela Rosa nga madamu sang claimants kag civil organizations ang nag-apela para sa rekonsiderasyon sang aplikasyon sang patas nga fair market value sa pagtumod sang monetary compensation.
Sa hearing sang nagligad pa kahapon, ginpahayg ni Dela Rosa nga ginkunsidera sang Senate special committee ang pag-upod sang mas madamu nga barangay magluwas sa Bubonga sa listahan sang mga lugar nga bayaran sang gobyerno matapos ang kahalitan sang Marawi Siege.
Ini matapos iapela nga may yara sang 64 ka barangay ang dapat ilakip sa listahan sang Other Affected Areas.
Bangud sato, ginganyat ni Dela Rosa ang Office of Civil Defense (OCD) nga maghatag sang post-conflict needs assessment para mag-angkon sang basehan ang kompensasyon sang mga pamilya sa 64 ka barangay.
