ROXAS CITY – Nakatipon na sang 16 ka medalya ang mga delegado sang probinsya sang Capiz sa nagapadayon nga Western Visayas Private School Athletic Association Meet nga ginhiwat sa probinsiya sang Antique.
Sa interview sang Bombo Radyo Roxas kay Professor Melinda Lopez, Sports Coordinator sang CAPRISAA, ginpahayag sini nga nakatipon na sang 16 ka medalya ang Capiz kun sa diin 2 ka gold, 3 silver kag 3 ka bronze para sa Athletics Secondary Boys; tig-isa naman ka gold, silver kag bronze sa Athletics Secondary Girls; 1 silver kag 2 bronze sa Athletics Women kag 1 gold, 1 bronze naman sa Athletics Tertiary Women.
Nahibaluan nga may yara sang 317 ka mga delagates ang Capiz sa WVPRISAA kalakip na ang ang mga Coaches, Asst. Coaches kag chaperons.
Kalakip sa mga sporting events nga ginpasakupan sang delagado sang probinsiya amu ang athletics, badminton, basketball, chess, swimming, taekwondo kag volleyball.
