Target sang House Committee on Justice nga talakayon ang impeachment complaint batok kay Presidente Ferdinand Marcos Jr., sa palaabuton nga February 2 tubtob February 4, 2026.
Suno kay House Committee on Justice Chairperson Rep. Gerville Luistro, kinahanglan nga i-consolidate ang mga impeachment complaints nga gingapasar sa komite, suno sa regulasyon kag proseso sang House of Representatives.
Ang konsolidasyon ang pagahimuon sa una nga hearing sang komite kag ini prerogatibo sang Justice Committee kag indi sang mga tagreklamo.
Sa tion nga ma-consolidate na ang mga reklamo, pagatan-awon ini bilang isa ka kaso kag dululungan nga talakayon.
Ginpahayag man niya nga sa preliminary hearings, magatutok ini sa pagtalakay sang sufficiency in form kag substance sang mga reklamo.
Kun kinahanglanon, magatalana pa sang dugang nga hearing sa masunod nga mga semana.
Dugang pa niya, sa una nga hearing, ginalauman nga magahatag sang sponsorship speeches ang mga sponsor sang impeachment complaints antes suguran ang pormal nga pag-usisa.
Nahibaluan nga ginabug-usan ang deliberasyon sang 60 ka session days suno sa impeachment rules sang Kamara, agud magsumite sang report, gani indi mahimo nga dasigon ang proseso.
