ROXAS CITY – Nagpablotter sa Roxas City Police Station ang isa ka delivery boy matapos nga ginaalegar ginsumbag sang isa ka lalaki sa Teodoro Arcenas Trade Center, Barangay VIII, Roxas City.
Ginkilala ang tagreklamo nga si Reyman Balle, 25 anyos sang Barangay Anhawon, Panay, Capiz.
Sandig sa ginpabalhag sang tagreklamo, gin-idug sini ang isa ka motorsiklo nga ginapanag-iyahan ni Junray Guardiana sang Barangay VII sining syudad agud kuntani hatagan sang lugar ang magapark nga delivery truck kun sa diin siya nagaubra sang hinali na lamang ini nga ginpalapitan ni Guardiana kag ginsumbag sa nawala nga parte sang mata.
Bangud diri, nag-angkon sang banug sa mata ang biktima rason nga ginpakamaayo na lamang sini nga ipabalhag sa pulisya ang insidente.
Delivery boy nga ginsumbag nagpablotter sa pulisya
-- ADVERTISEMENT --
