Boluntaryo nga nagsungka sa Roxas City Police Station ang isa ka delivery driver matapos nga ginaalegar ginlabo ang isa ka truck driver sa sulod sang bodega sa Barangay Punta Tabuc, Roxas City.
Ang biktima amo si Antonio Caberte III, 27 anyos, samtang ang suspek amo si Mel Alaro, isa ka delivery driver nga pumuluyo sang Panay, Capiz.
Sa inisyal nga imbistigasyon sang Roxas Componet City Police Station, nag-umpisa ang insidente sa pagbaisay sang duha angut sa isa ka parcel antes ginpahayag nga nagbalik ang suspek nga may dala nga talibong kag ginlabo ang biktima.
Nag-angkon sang pilas sa likod kag wala nga paa ang biktima nga gilayon nga gindala sa Capiz Emmanuel Hospital kon sa diin yara na ini sa estable nga kondisyon.
Sa subong ginapreparar na sang Roxas City Police Station ang nagakaigo nga kaso batuk sa suspek matapos ini ang nagsungka sa otoridad.
