Delivery rider, patay matapos ginluthang kag ginbuno sang mag-utod

Makahalanusbo nga napatay ang isa ka delivery rider matapos ginluthang kag ginbuno sang duha ka mag-utod nga gin-alegar hubog sa Bocaue, Bulacan.

Ginpahayag nga natripan lang ang biktima.

Base sa imbestigasyon, ginpahayag nga ang 40-anyos nga biktima nagkadto sa lugar sang mga suspek agud lamang magdul-ong sang isa ka produkto.

Mabatian man sa CCTV camera ang paghibi sang biktima.

Sa imbestigasyon sang kapulisan, isa sa mga suspetsado ang gina-alegar nagbuno sa biktima, samtang ang isa naman ang nagluthang sa iya.

Nakapalagyo ang mag-utod apang nadakpan sang ulihi.

Ginatinguhaan pa nga makuha ang pahayag gikan sa mga himata sang biktima.