CODINGLE, Dumarao, Capiz – Nagbaliskad ang isa ka delivery truck nga may karga nga construction materials sa national road Dumarao, Capiz.
Ang driver amo si alias Jun, 41-anyos kag nagapuyo sa banwa sang Guimaras.
Sa interview sang Bombo Radyo kay Police Lieutenant Russell G Husmalaga, Officer in Charge sang Dumarao Municipal Police Station, iya ginpahayag nga natabo ang insidente subong nga adlaw sa takna sang 9:50 sang aga kun sa diin involved ang isa ka truck lakip na ang na hapit sini nga motorsiklo nga parking sa highway nga ginapanagiyahan sang estudiante kag empleyado malapit sa lugar.
Suno kay Husmalaga nadulaan sang balanse ang ginamaneho ni alias Jun rason samtang ginasubay sini ang dalanon nahapit sini ang lima ka motorsiklo.
Pahayag pa niya base sa panaysayon sang driver bangud sa diretso ang dalanon nangin kabangdanan man ini sa mabudlay nga pagbalanse niya .
Dugang man sang natungdan ang nasambit nga insidente nahauna nga rekord sa bulan sang Agosto kag mahimo man nga malikawan pinaagi sa “BLOWBAGETS”, nga nagakahulugan sa pagsekyar sang battery, lights, oil, water, brakes, air, gas, engine, tires, kag self.
Sa karon nahibaluan nga ang truck driver yara na sa kustodiya sang Dumarao PNP, samtang nagahulat ang pinal nga desisyon sang mga tag-iya kun mahimo nga indi na sila magpasaka sang kaso.
