Napilian sang Dictionary.com ang tinaga nga “Demure” bilang 2024 word of the year.
Ginlutos sini ang mga tinaga kasubong sang “brainrot”, “brat” kag “Weird”.
Mahibaluan nga nagtaas ang paggamit sang tinaga nga “Demure” kun sa diin halin Enero tubtob Agosto may pagtaas nga 1,200 percent.
Ilabi pa nga nagsikat ang nasambit nga tinaga sang masami nga1 ginagamit sang sikat nga TikToker kag beauty influencer nga si Jools Lebron.
Masami niya nga ginagamit ang tinaga pinaagi sa “very demure, very mindful” nga masami nalakip sa mga video sini.
Suno sa Dictionary.com nga ang tinaga nga “Demure” ang ginagamit agud itumod ang discrete ukon nakatago nga pinamatasan.
Panibag-o ini nga ginagamit sa social media nga ginaangut sa sahi sang isa ka tawo kag ang pamaagi kun paano ini mag-akto sa mga pampubliko nga lugar.
Mangin ang mga sikat nga personalidad kasubong nanday Kim Kardashian, Jennifer Lopez, kag “Drag Race” host RuPaul ang nagsakay man sa kasikatan sang tinaga pinaagi sa paggamit nila para ma-promote ang ila nga mga clothing brand.
