ROXAS CITY – Naglab-ot sa 232 ka kaso sang dengue ang na rekord sang Department of Health sa Capiz.
Ang numero sang nasambit nga kaso sang dengue ang narekord humalin sadtong bulang sang Enero 1 tubtob Hulyo 4, 2020.
Sa nasambit nga numero ang pinakamadamo nga kaso sang dengue amo ang syudad sang Roxas nga may 78, ginsundan sang banwa sang Dao nga may 22, Dumalag kag Dumarao nga may 18, Sigma nga may 17, Cuartero nga may 12, Ivisan nga may 11, Panitan kag Pontevedra nga may 9, Panay nga may 8, Maayon nga may 7, Mambusao nga may 5, Pilar kag Tapaz nga may 4, Pres. Roxas kag Sapian nga may 3 kag Jamindan nga may isa ka kaso.
Nahibaluan nga 2,621 ang narekord sang tinalikdan nga tuig 2019 kun sa diin tuman kalayo ang deperensya sa kapareho sini nga perion.
Samtang, nagpanugyan naman ahensya nga sundon ang 4S ukon Search and destroy mosquito-breeding sites, secure Self-protection measures, Seek early consultation, kag Support fogging/spraying sa mga hotspot areas.
