Sa padayon nga pagtilinaas sang kaso sang balatian nga dengue sa probinsya, gin-aprubahan sa ginpatigayon nga Gugma kontra Dengue press conference sang Provincial Health Board ang pagdeklarar sa probinsya sang Capiz sang dengue outbreak.
Ginkumpirmar kag ginpangunahan ni Governor Fredenil Castro ang nasambit nga pagsinapong kaina sang aga, Agosto 16,2024.
Sandig sa datus nga ginpresentar sang Capiz Provincial Health Office, nagdangat na sa kabug-usan nga 1,386 ang kaso sang nasambit nga balatian sa probinsya.
Matandaan nga nauna na nga ginmandu ni Gov. Castro pinaagi sa executive order no.22 ang paghimo sang Capiz Provincial Anti-Dengue Committee, pag-activate sang Aksyon Barangay Kontra Dengue (ABKD) kag ang masangkad nga pag-implementar sang 5S strategies.
