Ginbasura sang Quezon City Regional Trial Court (RTC) Branch 229 ang mga kaso nga kriminal nga ginpasaka batul kay anay Health Sec. Janette Garin kag iban pa nga mga doktor bangud napaslawan ang prosekusyon nga maghatag sang bastante nga ebidensya batuk sa mga ini.
Nahibaluan sa desisyon sang korte nga ang mga testigo sang prosekusyon ang indi suno diri sang matuod eksperto para maghatag sang opinyon sa Dengvaxia.
“The prosecution evidence failed to establish a prima facie case against Demurrant Janette L. Garin and Demurrant Julius Lecciones. The evidence does not amount to proof beyond a reasonable doubt of any or all of the criminal charges against either or both of them,” kabahin sang resolusyon ni Presiding Judge Cleto R. Villacorta III.
Bangud sini, ang tanan nga criminal charges batuk sa mga akusado, padayon na nga na-dismiss.
Mabasahan man sa desisyon nga ang mga pagpamatuod nanday Dr. Clarito Cairo, Dr. Tony Leachon, kag Dr. Erwin Erfe, wala ginbaton sang hukuman.
Indi man nangin kwalipikado sa Second Level Court si Dr. Erfe bilang isa ka eksperto nga makahatag sang opinyon sa dengue, Dengvaxia, kag mga bakuna.
Gin-athag sang korte nga ang opinyon sang eksperto, agud batunon bilang ebidensya, ay dapat nagikan sa isa ika masaligan nga may espesyal nga nabal-an, kasanayan, ukon training.
Dapat gina-base ini gamit ang Scientific principles kag methods.
Indi man dapat nakabase sa huring-huring ang findings kag ebidensya.
Maluwas diri, dugang pa sang Korte nga indi mapamtud-an nga ang tuga sang pagkamatay sang walo ka bata ang tungod sa Dengvaxia bangud bag-o ang pagbakuna, ang mga bata nga ini may mga underlying conditions.
Paathag pa sang Korte, indi nasunod ang immunization guidelines sa Dengvaxia nga gin-isyu sang Department of Health (DOH), sa pihak sang klaro sa mga tagubilin sini nga maghiwat sang screening sa isa ka bata bag-o i- inoculate ang bakuna.
Subong man, suno sa mga patakaran, ang mga propesyonal sa ikaayong lawas ang dapat nga maghiwat sang pagbakuna, sa kaso nga ini kalabanan sa mga biktima, inoculated sang mga manggagawa sa barangay nga indi awtorisado nga pagahimuon ini.
Kasunod sang paghatag sang demurrer to evidence kay Garin kag iban pa, nag-file ang prosekusyon sang Motion for Reconsideration (MR), apang, sang Agosto 20, 2024 ginsikway sang Korte ang motion.
Ang iba pa nga mga kaso batuk sa mga medical professionals ang padayon na man nga ginbasura.
