Nagdepensa ang actor kag komedyante nga si Dennis Padilla kay Sen. Robin Padilla angut sa negatibo nga mga komento nga ginhaboy sa senador, ilabi na ang ginaalegar nga pagtawag sa iya nga mahina ang utok.
Suno kay Dennis, nasakitan siya sa mga patalang nga mga pahayag batok sa iya abyan.
Dugang pa sang aktor nga indi niya gusto ang paggamit sang tinaga nga mahina ang utok, bangud ginakabig niya ini nga makainsulto kag nagapati nga wala sang nagakadapat nga tawgon nga amo sina.
Ginhingyo man sini ang mga kritiko sang senador nga mangin mahinalungon sa ila lenguahe kag huptan ang isa ka matinahuron nga diskurso, apisar nga lain-lain sila sang opinyon.
Matandaan, nga ginsabat man siya sang labor leader nga si Ka Leody De Guzman sa social media angot sa komento sang senador nga ginaalegar “one-sided” ang prosecution panel sa nagapadayon nga impeachment trial batok kay Vice President Sara Duterte.
Apisar sang kritisismo, ginpaathag na ni Padilla nga ang “one-sided” wala nagapatuhoy sang impeachment trial.
