Nagapati ang Department of Environment and Natural Resources (DENR) Capiz nga indi matabo ukon indi probable ang coastal uplift sa probinsya sang Capiz.
Ang coastal uplift amo pagsaka sang duta sa higad sang baybayon nga natabo sa Barangay Pangyan, Sarangani matapos ang magnitude 7.8 nga linog sang Hunyo 8.
Sa interview sang Bombo Radyo kay Dr. Ernest C. Federiso, officer in charge sang Department of Environment and Natural Resources-Capiz, iya ginpahayag nga ang Western Visayas yara sa presensya sang West Panay Fault nga amo ang Iloilo, Antique, Aklan, kag Capiz.
Suno kay Federiso, may mga lugar sa Capiz kangay sang banwa sang Jamindan kag Tapaz nga may presensya sang fault lines, apang indi ini automatic nga magresulta sa coastal uplift sa probinsya.
Nagpaandam naman ang ahensya sa publiko nga padayon nga mag-monitor sa mga pahanumdom sang mga otoridad kag magpreparar sa posible nga natural nga kalamidad, ilabi na sa mga lugar nga yara sa fault line zones.
