ROXAS CITY – Wala sang papel ang Department of Environment and Natural Resources (DENR) Capiz, angut sa natabo nga pagpangtapas sang mga fruit bearing trees sa Burias sa banwa sang Mambusao sang damlag lang apang may yara sang patigayunon nga mga intervention.
Sa interview sang Bombo Radyo kay Mr. Vicente Sardina Provincial Environment and Natural Resources Office (PENRO) Officer sang DENR Capiz, ginpahayag sini nga magapatigayon sila sang imbestigasyon kung pila ang balor sang mga fruit bearing trees nga ginpang-utod nga ginapahayag wala sang pahanugot nagikan sa tag-iya ukon nagtanum sini.
Suno kay Sardina, sa may mga kaangay sini nga sitwasyon ba-se sa ahensya nagakinahanglan nga may yara sang clearance nagikan sa barangay kag munisipyo nga nagapamatuod tag-iya sang kahoy ukon duta nga gintam-nan.
Pananglitan suno diri nga mapaslawan ang isa ka indibidwal nga magpakita sini, mahimo ini nga magapangatubang sang penalidad ukon posible pagkapreso.
Ginadumilian man suno diri ang pagpang-utod sang kahoy kag ibaligya nga wala sang nagakaigo nga permit nagikan sa barangay, munisipyo ilabi na sa ahensya sang DENR.
