ROXAS CITY – Natalana nga ipatawag sang Department of Environment and Natural Resources (DENR)-Environmental Management Bureau (EMB) ang gobyerno sang syudad para sa isa ka technical conference kasunod sa natukiban sa operasyon sang sanitary landfill sa Sitio Guimba, Barangay San Jose, Roxas City.
Suno kay Engr. Marlon Bonite, supervising environmental management specialist sang DENR-EMB nga pila sa kinahanglan nga i-comply sang gobyerno sang syudad amo ang wala nagafunction nga mga component sang water treatment facility, improper waste disposal sa site, kakulang sang heavy equipment kag housekeeping.
Gindugang pa ni Bonite nga hatagan sang time frame ang gobyerno sang syudad agud ma-comply ang mga rekisitos nga kinahangalan para sa ensakto nga proseso sang operasyon.
Ginpaandaman ni Bonite, ang gobyerno sang syudad nga pananglitan indi ma-comply ini, dako ang posibilidad nga mapasakaan ini sang nakaigo nga panumbongon.
