Ginganyat man sang Department of Environment and Natural Resources (DENR) ang publiko nga makig-isa sa pag-obserba sang Earth hour subong nga adlaw sang Sabado, Marso 22.
Suno sa ahensiya, ang Earth hour ang indi lamang nakatutok sa pagpatay sang mga suga kundi isa ka panindugan man sa pinaka-importante nga resource sang aton nga planeta nga tubig.
Ang Earth Hour subong nga tuig ang nakasentro sa tema nga “Switch Off and Secure Water for All”.
Subong nga adlaw, takna alas-8:30 sang gab-i, makig-isa ang milyun-milyon nga tawo sa bug-os nga kalibutan sa pagpatay sang tubig agud mapasanyog ang ihibalo sa pagtipid sa tubig kag climate action.
Ginpunto sang DENR nga “every drop counts and every action matters”.
Halin sa pagprotekta sa kagubatan kag watersheds para ma-ibanan ang nasayang nga tubig, may yara sang katungdanan agud ma-secure ang malimpyo nga tubig para sa mga ginaatubang nga henerasyon.
Kaangut sini, ginganyat sang DENR ang tanan nga makig-isa sa Earth Hour subong nga tuig nga magpatay sang suga, magtipid sang tubig kag protektahan ang palaabuton.
