Nagpadulong sa Department of Environment and Natural Resources (DENR) ang mga nakaluwas sa baha sa Rizal kag pila ka grupo nga nagaamlig sa dunang manggad kag palibot.
Ini agud nga iduso ang gilayon nga pagkanselar sang tanan nga permit sa pagmina kag pag-quarry sa probinsya sang Rizal.
Ginpakamalaut sang Kalikasan People’s Network for the Environment ang ginapahayag nga pagtuyo sang DENR nga ilayo ang salabton sang mga quarry firms sa epekto sang quarrying operations sa mga naekseryensyahan nga pagbaha tuga sang Bagyo nga Enteng kag Habagat.
Suno sa grupo, pareho nga may salabton ang DENR kag ang mga mining companies sa rason sang pagkatiphag sang duta nga tuga sang tuman nga pagbinaha sa probinsya sang Rizal.
Dugang pa nila, naghatag ang Mines and Geosciences Bureau (MGB) sang permit para sa 19 nga dalagkuan nga proyekto sa pag-quarry nga nagasakop sa 3,623 ektarya sa Rizal.
Masobra suno diri sa 10,000 ektarya sang forest cover sa Rizal ang nadula sa quarrying kag land conversion sadtong nakaligad nga dekada lamang.
