MANILA, Philippines – Naglunsyar sang imbestigasyon ang Department of Environment and Natural Resources (DENR) may kaangtanan sa ginreport nga earth-balling sang mga kahoy sa Roxas Boulevard nga ginakabig konektado sa construction sang Southern Access Link Expressway “SALEx”, Project.
Gindeploy na sang DENR ang ila mga personnel gikan sa Enforcement Division agud magpatigayon sang gilayon nga site inspection kag beripikahon ang mga sirkumstansya nga nagpalibot sa insidente.
Suno sa ahensya, kon mapamatud-an nga ang earth-balling saa kahoy wala sang nagakaigo nga authorization ukon wala nagsunod sa ginapatuman nga mga palisiya kag kondisyon sang permit, magasugod ini sang nagakaigo nga legal kag administratibo nga aksyon batok sa mga responsable nga partido, lakip na ang mga kontraktor kag permit holders.
Ginpabutyag man sang DENR ang importansya sang husto nga koordinasyon sa departamento agud masiguro nga naprotektahan ang palibot samtang ginapatuman ang mga proyekto sa imprastraktura.
Sa pihak sini, ginpahayag sang ahensya nga padayon ini nga nagapangabudlay para sa transparency, accountability, kag maprotektahan ang urban green spaces sa tunga sang padayon nga kauswagan sang imprastraktura sa pungsod.
