DENR, nagpatigayon sang air kag water quality testing sa nasunog nga dumpsite sa Navotas landfill

OBANDO, BULACAN – Nagpatigayon sang air kag water quality testing ang Department of Environment and Natural Resources (DENR), sa Barangay Salambao bangod sa makahalit nga aso halin sa Navotas landfill.

Nagpangayo sang bulig si Mayor Leonardo Valeda sa Environmental Management Bureau agud masiguro ang kaluwasan sang mga residente.

Naglab-ot sa 335 ka residente ang gin-evacuate bangod sa mabaskog nga aso nga ginapatihan halin sa methane gas sang nasunog nga dumpsite.

Nagpanagtag man ang lokal nga gobyerno sang sobra 3,000 ka N95 face masks sa mga apektado nga pumuluyo.

Padayon nga naga-guwa ang aso halin sa dumpsite, samtang ginabantayan sang mga otoridad ang kahimtangan sang lugar.