DENR Western Visayas, may yara na sang bag-o nga Regional Director

May yara na sang bag-o nga regional director ang Department of Environment and Natural Resources (DENR) Western Visayas.

Siya amo si Atty. Ramar Niel Pascua, officer-in-charge Regional Executive Director sang nasambit nga ahensya, nga magatal-os kay Regional Executive Director Raul Lorilla nga ma-retire na.

Ang appointment ni Pascua ang nangin epektibo sang Hunyo 11 sa idalom sang DENR Special Order No. 2026-318 nga ginpirmahan ni DENR Secretary Juan Miguel Cuna.

Antes pa man nga nagpungko sa pwesto si Pascua, nagserbe ini bilang regional director sang Environment Management Bureau, ang attached agency sang DENR.