Sakop na man sang Philippine Health Insurance Corporation (PhilHealth) ang dental services sa ila healthcare benefit packages matapos nga aprubahan sang Board of Directors en banc.
Suno sa PhilHealth, ang mga nasambit nga serbisyo nga kalakip sa landmark package amo ang mouth examination/oral screening, dental prophylaxis ukon cleaning, kag fluoride varnish application.
Sakop man sini ang fissure sealants, Class V procedures, emergency tooth extractions, kag dental consultations.
“Universal health care must have oral health care, and the best way to make it sustainable and felt by all Filipinos is through primary care,” pahayag ni Health Secretary Teodoro Herbosa.
Dugang pa sini, “The Board agreed on a preventive oral health benefit to be delivered by dentists working in PhilHealth Konsulta package providers, and also by stand-alone dentists based on referrals from the Konsulta providers.”
Sa idalom sang nasambit nga health package, gin-aprubahan sang PhilHealth Board ang maximum payment nga P1,000 kada pasyente sa kada tuig para sa preventive oral health services.
Ang mga ini ang pagabayran sang P300 para sa una nga pagbisita, sakop ang mouth examination/oral screening, oral prophylaxis (cleaning), kag fluoride varnish application; panibag-o nga P300 para sa ikaduha nga pagbisita, nga may apat ka bulan ang kadugayon gikan sa una nga pagbisita, para sa kapareho nga serbisyo.
kag P200 pa sa kada ngipon, nga may maximum nga duha ka ngipon, para sa pit kag fissure sealant ukon Class V procedure.
Suno sa PhilHealth, ang co-payments ang pagadumilian para sa public dentists, samtang ang private dentists naman ang pagatugutan sang maximum co-payment charges sa kada pagbisita sang P1,500 para sa mouth examination kag oral prophylaxis; P600 para sa pit kag fissure sealant ukon Class V procedure; kag P600 para sa emergency tooth extraction.
Nahibaluan nga ang pag-apruba ang kadungan sang pag-partisipar sang pungsod sa kauna-unahan nga World Health Organization (WHO) Global Oral Health Meeting (GOHM) sa Bangkok, Thailand.
