Ginakonsidera sang Department of Agriculture ang ginaduso nga suggested retail price (SRP) nga P53 kada kilo para sa lokal nga bugas.
Ini matapos nga nagasukt si Agriculture Secretary Francisco Tiu Laurel Jr. sa mga stakeholders sang industriya sang bugas sa nasambit nga price level.
Gin-athag man sang opisyal nga indi price ceiling ang suggested retail price, kundi guideline lamang sa insakto nga presyo sang local rice sa merkado.
Ang mga manugbaligya mahimo gihapon magbaligya sa mas manubo nga presyo kon kinahanglanon, basta ang mga yara sa supply chain may makatarunganon nga ganansiya.
Samtang, sang nagligad nga semana, nagpatuman ang gobyerno sang ₱50 price cap para sa imported rice nga magalawig sang 30 ka adlaw.
Apang may mga retailers nga nagpabutyag sang kahadlok nga basi mapiyerde sila sa nasambit nga price ceiling bangud sa manubo nga gintalana nga presyo.
