Ginatun-an sang Department of Agriculture (DA) ang pagpatuman sang dugang nga taripa sa pila ka mga imported nga bugas gikan sa mga mayor nga supplier sang pungsod agud maprotektahan ang lokal nga bugas kag industriya sang bugas.
Suno sa DA Policy Research Service-Trade Remedies Office (PRS-TRO), ginrekomendar sini ang temporaryo nga pagtaas sang taripa sang indi magnubo sa 13% percentage pointss sa semi-milled kag wholly milled nga bugas nga gin-import halin sa Vietnam, Thailand, Pakistan, kag Myanmar.
Base sa pauna nga imbestigasyon, natukiban sang ahensya nga ang pagtaas sang imported nga bugas nagtuga sang daku nga epekto sa lokal nga sektor sang agrikultura, lakip na ang pagnubo sang bahin sini sa merkado kag farmgate prices sang mga mangunguma.
Sa subong, 15% ang taripa sa imported nga bugas. Kun ma-aprubahan ang proposal, mahimo ini maglab-ot sa masobra 28%.
