Gintun-an na sang Department of Agriculture ang price caps sa pork belly, carrots, kag palm-based cooking oil bangud sa mataas nga presyo tuga sang kakulang sang suplay.
Suno kay Agriculture Secretary Francisco P. Tiu Laurel, Jr., ginalauman sang DA ang padayon nga kakulang sang carrots tubtob Hulyo, nga may katumbas nga pagtaas sang retail prices.
Base sa data sang Philippine Statistics Authority (PSA) nagtaas sang 61.53% ang presyo sang carrots, halin sa P105.75/kilo sang nagligad nga tuig tubtob sa P170.82/kilo sang Abril.
Ang DA maga-import man sang 6,000 metric tons sang karot umpisa subong nga Mayo tubtub Hulyo, nga may target nga presyo nga P100/kilo.
Pahayag pa ni Laurel, ginatun-an man ang price cap sa liempo, nga ginabaligya sa P400–P450/kilo sa pila ka mga merkado, mas mataas sang sa gintalana nga P380/kilo.
Samtang, ginaduso man ang price cap sa imported rice sa P50/kilo, samtang nagahulat sang executive order gikan sa Malacañang agud mapunggan ang pagtaas sang presyo kag maprotektahan ang mga konsumidor.
