Department of Agriculture, ginmandu ang Mandatory Registration sang Agri Storage Facilities

Ginmandu sang Department of Agriculture (DA) ang mandatory registration sang mga bodega, cold storage facilities kag iban pa nga agricultural storage hubs bilang kabahin sang pagpatuman sang Anti-Agricultural Economic Sabotage Act.

Kinahanglan nga magparehistro sa DA Online Registration System ang tanan nga pasilidad nga nagatipon sang agricultural kag fishery products, lokal man ukon imported.

Suno sa DA, katuyuan sini nga matapna ang smuggling, hoarding kag price manipulation, mapaayo ang food safety, kag maproteksyunan ang mga lokal nga mangunguma kag kunsumidor.

Indi naman ginlakip ang mga magagmay nga negosyo kasubong sang sari-sari stores kag magagmay nga tyangge nga may assets nga mas manubo sa three million pesos.