Department of Agriculture, ginsigurado nga wala sang oversupply sang Imported Onions

Ginsigurado sang Department of Agriculture (DA) nga wala sang oversupply sang imported onions kag bastante lamang ang supply tubtob sa pag-umpisa sang anihan.

Sandig sa datos, magadugay ang red onion stocks tubtob Pebrero 19 kag ang yellow onions tubtob Marso 15. Ginsiling sang Bureau of Plant Industry nga apisar mag-abot ang nabilin nga shipments, magalab-ot lamang ang supply tubtob sa una nga bahin sang Marso.

Pahayag ni Agriculture Secretary Francisco Tiu Laurel Jr., ang imported onions ang temporaryo nga sabat lamang sa kakulangan sang supply kag wala nagapabaha sa merkado.