Mahimo ng palawigon ang pagdumili sa pag-import sang asukar, nga natalana nga mag-expire sa first half sang 2026 ukon sa katapusan sang pag-ani, sa pagtinguha nga unahon ang lokal nga ginhimo nga asukar sa tunga sang mabaskog nga domestic raw sugar production, suno sa Department of Agriculture (DA) kag Sugar Regulatory Administration (SRA).
Suno kay Agriculture Secretary Francisco Tiu Laurel Jr. nga ang polisa, nga una nga gin-anunsyo sang Oktubre 15, mahimo nga mapalawig tubtob sa katapusan sang paggaling ukon bisan sa Disyembre, depende sa aktwal nga lebel sang stock, kasunod sang pag-uswag sang raw sugar output sang nagligad nga tuig.
Sang Oktubre, ang DA nagsiling nga ang pag-import sang kalamay ginsuspender tubtob sa katapusan sang una nga katunga sang 2026 agud masabat ang mga kabalaka sang lokal nga industriya sang kalamay.
Ang Department of Agriculture (DA) kag Sugar Regulatory Administration (SRA) nagahanda man sang isa ka regulatory framework para sa pag-import sang molasses agud dugang nga maprotektahan ang mga lokal nga prodyuser.
Sa idalom sang ginaproponer nga polisa, ang mga nagagamit sang molasses sa pungsod ang kinahanglan nga magbakal kag mag-withdraw anay sang local molasses.
Pagkatapos lamang nga matuman ang mga kinahanglanon kag base sa isa ka gintalana nga pagsulundan ang mga pag-import pagatugutan, sa idalom sang pag-aprubar sang SRA.
Agud ma-establisar ang presyo kag masuportahan ang mga mangunguma, ang Department of Agriculture (DA) kag Sugar Regulatory Administration (SRA) magalunsar sang government buying program para sa raw sugar, nga ang mga ginbakal magaserbe nga buffer stock tubtob sa 90 ka adlaw.
