Department of Agriculture, nag-alokar sang P75-M fuel subsidy para sa mga manugpangisda

Nag-alokar ang Department of Agriculture (DA) sang P75 million fuel subsidy para sa masobra 15,000 ka mga manugpangisda agud mabuligan sila nga masaranagan ang padayon nga pagtaas sa presyo sang gatong.

Igapanagtag ang bulig pamaagi sa Bureau of Fisheries and Aquatic Resources kag palaparon pa sa idalom sang Presidential Assistance Program for Farmers and Fisherfolk.

Suno kay Agriculture Secretary Francisco Tiu Laurel Jr., katuyuan sang programa nga maghatag sang gilayon nga bulig kag pasangkaron ang sistema sang suplay sang pagkaon.

Ginpasangkad man sang Department of Agriculture ang Kadiwa program agud masuportahan ang mga mangunguma sa Benguet nga apektado sang oversupply kag mataas nga gastos sa transportasyon.