Department of Agriculture, pagasuguran na ang pagbaligya sang P20/kg sang bugas sa NCR pagkatapos sang election

Pagasuguran na sang Department of Agriculture (DA) ang pagbaligya sang P20 kada kilo sang bugas sa National Capital Region pagkatapos sang election ukon sa Mayo 13. 

Suno kay DA Assistant Secretary Genevieve Guevarra target sang P20 Rice Project nga mapuslan sang mas ukon menus nga 400,000 ka pamilya sa NCR. 

Sa Mayo 13, ang bugas nga nagabalor sang P20 kada kilo ang una nga ibaligya sa Quezon City, kasubong man sa Pasay, Mandaluyong, Las Piñas, Caloocan, kag Navotas sa idalum sang Kadiwa program sang DA. 

Dugang pa niya, tinutuyo man sang DA nga makipag-partner sa iban pa nga mga retailer agud mapasanyog pa ang programa.