Department of Agriculture, plano nga palawigon ang rice importation ban  tubtob 15 ka adlaw

Natalana nga irekomendar ni Agriculture Secretary Francisco P. Tiu Laurel Jr ang pagpalawig sang rice importation moratorium sang tubtob 15 ka adlaw.

Suno sa iya, may maayo nga epekto ang nasambit nga ginpatuman nga pagdumili nga nagsugod sining una nga adlaw sang Setyembre.

Dugang pa sini, sa katapusan sang Septyembre magasumiter sila sang pinal nga rekomendasyon.

Pahayag pa niya,sugod sang nakaligad nga pila ka semana, nagtaas na ang presyo sang farmgate prices sang bugas sa diin sa Mindanao lang may yara sang P17 kada kilo gikan sa nauna nga P8 tubtob P10.