Handa na nga i-release sang Department of Budget and Management (DBM) year-end bonus ukon katumbas sang isa ka bulan nga basic pay, kag P5,000 cash gift para sa mga government employeessa sining bulan sang Nobyembre.
Suno kay Palce press Officer Claire Castro, iya ginpahayag nga sandig ini sa Budget Circular No. 2024-3 nga ang year-end bonus kag P5,000 cash gift ang igarelease kalakip sa una nga agency payroll sang Nobyembre 2025.
Nahibaluan nga para sa fiscal year 2025, may yara sang kabug-osan nga P63.69 bilyon nga gin-allocate para sa year-end bonus sang civil kag military ukon uniformed personnel, kag P9.24 bilyon para sa cash gift, nga nagabug-os sang sa labaw sa 1.85 milyones nga mga trabahador sang gobyerno sa bug-os nga pungsod Pilipinas.
