Department of Energy, nagapanawagan sa publiko nga i-report ang mga naga-take advantage sa problema sang gatong sa tunga sang nagapadayon nga tensyon sa Middle East

Nagpanawagan ang Department of Energy (DOE) sa publiko nga i-report ang mga naga-take advantage sa problema sa gatong tungod sang tensyon sa Middle East.

Sa interview sang Bombo Radyo kay Atty. Sharon Garin, Secretary sang DOE, iya ginpahayag nga limitado lang sa isa ka beses sa isa ka semana ang pagsaka sang presyo sang gatong.

Ginmanduan man sang Presidente ang DOE nga pasakaan sang kaso ang mga naga-hoard kag naga-ginansya sang dako sa sitwasyon.

Agud maka-report ang publiko, magpasa lang sa mensahe sa hotline sang opisina ukon facebook page kag magpadala sang litrato sang resibo.

Sa masunod nga semana, martes nga adlaw ang masunod nga pagsakaa sa presyo sang gatong.