Naglunsyar ang Department of Energy (DOE), kaupod ang Department of Information and Communications Technology (DICT), sang electronic complaint platform sa diin mahimo maka-report ang consumers sang mga gasoline stations nga ginasuspetsahan nga nagalapas sa fuel pricing rules ukon naka-eksperyensya sang kakulang sang supply sa tunga sang tension sa Middle East.
Suno sa DOE, mahimo makapasa ang publiko sang concerns pinaagi sa eReport tab sa eGov application.
Kinahanglan pinduton sang users ang “Gas Station Concerns” option, i-fill out ang ginapangayo nga detalye, kag ibutang kun nagapadayon ang issue ukon na-obserbahan ini sang tinalikdan.
Nagapanawagan ang ahensya sa publiko nga i-report ang mga suspicious activities sang gasoline stations, lakip na ang:
*Panic buying ukon malaba nga pila sa gasoline stations
*Fuel hoarding, ukon mas madamo ang ginabakal nga produktong petrolyo sang consumers kun ipaanggid sa iya lamang nga kinahanglanon
*Non-compliance sa fuel pricing, lakip na ang madasig nga pag-ilis ukon pagtaas sa presyo sang gatong sa sulod sang semana
*Unauthorized price increases ukon paglapas sa pricing regulations
*Pagpamalibad nga magbaligya sang gatong, ukon mga gasoline stations nga indi interesado nga maghatag sang gatong sa customers
*Kulang sa gatong ukon limitado tubtob sa wala na gid available nga produktong petrolyo sa gasoline stations
