-- ADVERTISEMENT --
Nagasalig ang Department of Energy (DOE) nga masolbar ang kakulang sa suplay sang kuryente sa Visayas antes matapos ang termino ni President Ferdinand Marcos Jr. sa 2028.
Suno kay Energy Secretary Sharon Garin, nagahimo na ang ahensya sang master plan para sa Mindoro, Palawan kag Visayas lakip ang power generation, transmission kag distribution.
Ginalauman man ang mga bag-o nga power plants ang maga-operate antes ang 2028.
Samtang, bilang immediate solution sa nagaka-eksperyensyahan ang kakulang sa suplay sang kuryente, magadugang ang DOE sang 200 megawatts nga battery energy storage systems agud makabulig sa pagkaayo kag pag-release sang enerhiya kada magsaka ang demand, agud mabuhinan ang posibilidad sang mga blackout sa Visayas.
