Nakig-angot ang Department of Energy (DOE) sa Philippine Competition Commission (PCC) agud imbestigahan ang mga alegasyon sang posible pagkunsabo ukon cartelization sa kada semana nga oil price adjustments.
Suno kay Department of Energy (DOE) Secretary Sharon Garin, dapat nga may imbestigasyon kon bala may yara sang “anti-competitive behavior” nga nagakatabo sa tunga sang mga kumpaniya sang langis, ilabi na nga naobserbahan nga dungan ang pagtaas sang presyo kag halos pareho lang alor sang pagtaas dugang nga presyo.
Dugang pa ni Garin, bukas ang ahensya sa pag-review sang subong nga sistema sang weekly price adjustments agud mapaayo ini, upod ang guidance halin sa Kongreso.
Samtang ginpasalig ni Garin nga handa ang ahensiya nga ibuyagyag ang mga pangalan sang oil companies sa tion nga mapamatud-an nga nagkunsabo ang mga ini sa presyo.
Pahayag pa niya, indi sila magduha-duha nga ipahibalo ini basta may pinal nga desisyon gikan sa natungdan nga ahensya ukon korte.
Apang, gin-athag sang tiglikom nga sa subong wala pa sang findings nga ginpaguwa may kaangtanan sa nasambit nga imbestigasyon.
