CAPIZ – Ginasulong sang Department of Environment and Natural Resources-Capiz nga mangin isa ka protected seascape ang Tucad Reef sa banwa sang Pilar, Capiz.
Sa interview sang Bombo Radyo kay Dr. Ernest Federiso, Officer in Charge sang Department of Environment and Natural Resources-Capiz, iya ginpahayag nga ang Tucad Reef ang ginakabug-usan sang 125.24 hectares sang seagrass kag 110.16 hectares sang coral reefs.
Suno kay Dr. Federiso, daku ang tsansa nga mangin isa ka seascape ang amo nga lugar bangud may yara ini sang 10 ka species sang sea grass, 6 ka vulnerable species kag 9 ka endangered species.
Pahayag pa niya, nakapasa na ang ila nga talatapan sang Protected Area Suitability Assessment (PASA) Report sa regional office agud matun-an ang pagdeklara sang nasambit nga reef.
Dugang pa sang natungdan, padayon ang pagpakig-angut sini sa local government unit sang banwa sang Pilar, Provincial Government kag opisina sang First District Congressman agud nga makapangayo sang dugang nga bulig kag pondo sa pagproteher sang amo nga dunang manggad.
INTERVIEWED BY: BOMBO ROADNIE DABAN DALANON VIA BOMBOHANAY SA UDTO
