Hugot nga ginabantayan sang Department of Foreign Affairs (DFA) ang mass shooting nga natabo sa Tumbler Ridge Secondary School sa British Columbia, Canada, nga nagresulta sa kamatayon sang pila ka mga indibidwal.
Bangud sa natabo, nagapabilin nga handa ang Department of Foreign Affairs kag ang Philippine Consulate sa Vancouver nga maghatag sang consular assistance sa mga nagakinahanglan, ilabi na kun may mga Filipino nga direkta nga apektado.
Apang, wala pa sang opisyal nga kumpirmasyon sa subong angut sa mga identity ukon nationality sang mga napatay kag napilasan, lakip na ang mga Pinoy nga nadalahig sa insidente.
Sa subong naga-coordinate na ang Philippine Consulate General sa Vancouver sa mga lokal nga otoridad agud matumod kag mahatagan sang gilayon nga bulig ang mga Pinoy nga posible naapektuhan ukon may pamilya sa lugar.
