Hugot nga ginabantayan sang Department of Foreign Affairs (DFA) ang sitwasyon sang mga Pilipino sa Iran sa tunga sang nagalala nga kinagamo sa pungsod bangud sa paghinay sang ekonomiya.
Suno sa DFA, ginabulubanta nga 800 ka mga Pilipino ang nagapuyo kag nagatrabaho subong sa Iran, sa diin nagsugod ang protesta sa sentro sang Tehran.
Ang kinagamo nagsugod sa isa ka lapnagon nga welga sang mga manugbaligya sa Tehran sa pagprotesta sa pagtaas sang presyo sang pagkaon kag pag-untat sang ekonomiya. Ang mga protesta sang ulihi naglapta sa iban nga bahin sang pungsod.
Ginpasalig naman sang DFA nga tubtob subong wala pa sang Pinoy nga apektado sang mga hublag protesta.
Apang nagpanugyan ang ahensya sa mga Pinoy sa Iran nga likawan ang anuman nga kinagamo sa lugar ilabi na sa populated areas.
