Nagpahanumdom ang Department of Health-Capiz sa mga ginikanan nga indi magduhaduha sa pagpabakuna sang ila mga kabataan bangud importante ini sa pagpanalipod sa ila batok sa nagkalain-lain nga balatian.
Sa interview sang Bombo Radyo Mr. Joeffrey Espiritu, Development Management Officer IV sang DOH-Capiz, iya ginpahayag nga naintindihan nila ang pagkabalaka sang mga ginikanan parte sa safety sang mga bakuna, ilabi na kon kabataan ang pagahatagan sini.
Suno kay Espiritu nga ginahatag ang mga bakuna nga safe para sa mga kabataan.
Pahayag pa niya, importante ang regular nga pagpabakuna agud mapalayo ang mga kabataan sa mga balatian nga mahimo malikawan paagi sa bakuna.
Samtang, ginpahanumdom man sang natungdan nga may yara sang Rubella-Measles Vaccination nga ginapatigayon subong nga bulan sang Agosto para sa mga kwalipikado nga kabataan.
