Ginaduso sang Department of Health (DOH), kaupod ang Department of Finance (DOF), ang pag-update kag pagpabaskog sang tax sa Sweetened Beverages (SB) agud mabuhinan ang pamahog sa ikaayong lawas tuga sang mga sweetened beverages.
Ang nasambit nga tikang nagalakip sang mga ilimnon nga may gindugang nga kalamay ukon non-sugar sweetener, kaangay sang soft drinks, ready-to-drink nga kape kag iced tea, packaged juice drinks, flavored milk, yogurt drinks, kag electrolyte drinks.
Suno sa mga awtoridad, ang masami nga pagkonsumo sini nga mga produkto direkta nga may kaangtanan sa mataas nga risgo sang sobra nga kabug-aton, sobra nga katambukon, pagkadunot sang ngipon, kag type 2 diabetes.
Katuyuan sang sini nga proposal amo ang pagpataas sang tax sa presyo sang sini nga mga ilimnon agud epektibo nga mabuhinan ang konsumo sang publiko sang mga produkto nga nagatuga sang nagkalain-lain nga sahi sang balatian.
