Ginpakigbahin sang Department of Tourism (DOT) nga aktibo sila nga naga-istorya sa Nation’s Girl Group, BINI, agud mangin tourism ambassadors sang Pilipinas.
Suno kay DOT Sec. Dita Angara-Mathay, ginpaambit niya ang nahanungod sa ila mga pagtinguha sa BINI nga kilalahon ang representasyon sang grupo sa International stage sang nagligad nga Abril.
Sa subong, wala pa nakasabat ang BINI sa panawagan sang DOT bangud sa masako nila nga preparasyon para sa SIGNALS World Tour 2026.
Matandaan nga ginpasidunggan man sang DOT ang BINI bangud ini ang pinakauna nga Filipino act nga nag-perform sa Coachella.
Nauna man nga gin-aprubahan sang Chamber ang House Resolution No. 93 nga nagakilala sa BINI bilang “Nation’s Girl Group,” samtang ang Senate of the Philippines nag-ugyon nga nagpasar sang kaangay nga resolusyon nga nagapanginbulahan sa grupo.
Ginabug-usan sang mga miyembro nga sanday Aiah, Colet, Maloi, Gwen, Stacey, Mikha, Jhoanna, kag Sheena, ang grupo nagpasundayag sang pila ka mga sikat nila nga kanta kaangay sang “Pantropiko” kag “Salamin, Salamin” sa isa sa pinakadaku nga music festival sa kalibutan.
