Nagpatigayon sang 13th Negolinks kag product promotion ang Department of Trade and Industry (DTI)- Western Visayas sa Isla sang Boracay.
Sa interview sang Bombo Radyo kay Department of Trade and Industry Officer-in-charge Provincial Director Merian Asas, iya ginpahayag nga ang katuyuan sang aktibidad amo nga mapakilala ang mga Micro, small, and medium enterprises (MSME) sa iban pa nga mga negosyo sa Boracay.
Suno pa kay Asas, may yara sang 57 ka Micro, small, and medium enterprises (MSME) kag 30 ka mga confirmed buyers nga ginakalakipan sang mga hotel, resort kag pasalubong center.
Pahayag pa niya, lakip sa mga ginpasundayag sa nasambit nga aktibidad ang mga coconut-based products, wearables kag mga processed food.
Ginalauman sang natungdan nga mas magdamo pa ang volume sang order sang mga nagpartisipar nga negosyo.
